Ցուրտ եղանակի սկսվելուն պես շնչառական հիվանդությունների թիվն ավանդաբար ավելանում է։ Դրա պատճառով հակաբիոտիկների չարաշահումը մեծանում է, ինչը հանգեցնում է առողջական լուրջ խնդիրների, հատկապես երեխաների մոտ:
Մանկաբույժ Քսենիա Գուսարովան ասաց, որ վիրուսային վարակների դեպքում երեխաների մոտ զարգանում է ջերմություն, կոկորդի ցավ, հազ և քթահոսություն:
«Երեխայի վիճակն անհանգստացնում է ծնողներին, հատկապես, եթե կա բարձր ջերմություն, որը երբեմն տևում է մի քանի օր։ Երեխային օգնելու համար սկսում են հակաբիոտիկներ տալ»,- ասել է նա, հաղորդում է 360 պորտալը։
Բժիշկը նշեց, որ նման ախտանշանները հակաբիոտիկներ օգտագործելու պատճառ չեն և դրանցից հաճախ կարելի է հեշտությամբ ազատվել ջերմիջեցնողներով և մրսածության դեմ միջոցների օգնությամբ։
Հակաբիոտիկների չափից ավելի օգտագործումը հանգեցնում է հակաբիոտիկների դիմադրության, որը հետագայում կարող է բարդացնել այլ հիվանդությունների բուժումը, ինչպես նաև ոչնչացնել օգտակար բակտերիաները, որոնք կարևոր են օրգանիզմի համար: Բացի այդ, նման դեղամիջոցներն ունեն բազմաթիվ կողմնակի ազդեցություններ, ուստի կարևոր է դրանք օգտագործել միայն բժշկի կողմից սահմանված կարգով:
Մեկ այլ տարածված սխալ կարող է լինել հակաբիոտիկների վաղաժամկետ դադարեցումը: Դրա պատճառով կարող է առաջանալ հիվանդության ռեցիդիվ և սրացում:
