Հայտնի երգիչ Ալիկ Ավետիսյանը, որ եղբոր հետ մշտապես դուետային կատարումներով է հանդես գալիս, ամուսնացած է և ունի չքնաղ ընտանիք։ Ալիկն ամուսնացած է Լուսինեի հետ։ Նրանք երեք հրաշալի զավակների ծնողներ են։
Ընտանիքի առաջին երկու զավակները դուստրեր են, իսկ երրորդը՝ տղա։ Ընդ որում, Լուսինեի և Ալիկի տղան լույս աշխարհ է եկել նախորդ տարի։ Ալիկը, որ հաճախ կիսվում է իր սիրունատես բալիկների լուսանկարներով, մինչ այս չէր հանրայնացնում տիկնոջ լուսանկարը։
Լուսինեի ծննդյան օրվա առիթով Ալիկը տեղադրել է իր և տիկնոջ համատեղ լուսանկարներից մեկը և շնորհավորական բարեմաղթանքներ ուղղել նրան, որին միացել են նաև երգչի սոցհարթակի հետևորդները։
Ալիկը գրել է․ «Լուսնյակ, ծնունդդ շնորհավոր։ Աստված թող մեզ միատեղ կյանքի երկար օրեր պարգեվի, ուրախ տարեդարձ քեզ»։ Միանալով ամուսնու բարեմաղթանքին՝ Ալիկի հետևորդներից շատերն են շնորհավորել Լուսինեին՝ ցանկանալով ներդաշնակ ընտանեկան կյանք։
