Էնդոկրինոլոգ Զուհրա Պավլովան հայտնել է, որ խաշած կարտոֆիլի ողջամիտ օգտագործումը բարելավում է օրգանիզմի պաշտպանությունը սիրտ-անոթային հիվանդությունների զարգացման դեմ։ Բժիշկ Պավլովան Telegram-ի իր ալիքում ասել է, որ ամենօրյա սննդակարգում առկա խաշած կարտոֆիլն օգնում է երկարացնել կյանքը՝ նվազեցնելով սրտի հիվանդությունների վտանգը։ Ի պաշտպանություն այս հայտարարության՝ բժիշկը մեջբերել է նորվեգացի գիտնականների ուսումնասիրության արդյունքները, ըստ որոնց՝ օրական 100 գրամ կարտոֆիլը 4%-ով նվազեցնում է մահացության վտանգը՝ կապված սրտանոթային խնդիրների հետ (սրտի կորոնար հիվանդություն և սրտամկանի սուր ինֆարկտ):
Բժիշկն ընդգծել է, որ խոսքը խաշած կարտոֆիլի մասին է, որը եփելուց հետո սառչում են և ուտում ոչ միայն սառը, այլև «դատարկ»՝ առանց աղի, ձեթի և այլ յուղոտ ու բարձր կալորիականությամբ սոուսների։
Զուխրա Պավլովայի խոսքով՝ սառը խաշած կարտոֆիլը կալիումի հարուստ աղբյուր է։ Այս միկրոտարրն օգնում է օրգանիզմից հեռացնել նատրիումի ավելցուկը, որն առաջացնում է հեղուկի կուտակում հյուսվածքներում, այտուցվածություն և արյան ճնշման բարձրացում: Բացի այդ, երբ սառչում է, կարտոֆիլի օսլայի մի մասը վերածվում է կայուն ձևի՝ երբ այն սպառվում է, գլյուկոզայի մակարդակի կտրուկ աճ չի նկատվում
