Հինգշաբթի և ուրբաթ օրերին Երկրին կհարվածի մագնիսական փոթորիկ՝ 5 հզորությամբ, որը համարվում է գեոմագնիսական դաշտի բարձր խանգարում։ Փորձագետները կանխատեսում են, որ փոթորկի գագաթնակետը կգա առավոտյան՝ ժամը 5-ից 8-ը։
Արեգակնային թույլ ակտիվության երկար ժամանակաշրջանից հետո հինգշաբթի օրը՝ նոյեմբերի 30-ին, մագնիսական խանգարումը կհասնի հինգ կետի։ Այնուհետև ուրբաթ օրը՝ դեկտեմբերի 1-ին, մագնիսական փոթորիկը կկրկնվի և կբարձրանա մինչև նույն 5 բալ։ Մագնիսական փոթորիկները տարբեր կերպ են ազդում մարդկանց վրա՝ կախված անհատական զգայունությունից, գենետիկայից, հոգեբանությունից, ապրելակերպից և այլ պայմաններից:
Արեգակնային բռնկումները կարող են Երկրի վրա մագնիսական փոթորիկներ առաջացնել, որոնք բազմաթիվ համակարգերի աշխատանքի խափանումներ են առաջացնում. փոխանցում է «ՌԻԱ Նովոստին»։
